Kapitanlar üçün
Komandaların heyyəti 6 oyunçu və 1 kapitandan (məşqçi-müəllim) ibarətdir. Komandanın 1-2-ci lövhələri 17 yaşadək , 3-4-cü lövhələri 13 yaşadək oğlanlardan, 5-ci lövhə 17 yaşadək, 6-cı lövhə isə 13 yaşadək qızlardan təşkil olunur. Heyyət kapitan tərəfindən müəyyən olunur və müvafiq sifariş forması doldurulur.
Sifarişdə şahmatçıların adı, soyadı, təvəllüdü, FIDE ID-si, beynəlxalq reytinqi (klassik), email ünvanı və mobil nömrəsi qeyd olur. Qeyd olunan email ünvanı dəqiqliklə göstərilməli, şahmatçı öz email-nin şifrəsini bilməlidir.
Sifariş forması həm “word” formada, həm də komandanın təmsil olunduğu müəssisənin rəhbəri tərəfindən təsdiq olunaraq (imza və möhürlə) skan olunmuş formada təşkilat komitəsinin tehsilchess@gmail.com elektron ünvanına və ya 055-252-22-38 nömrəsinə (votsap ilə) göndərilir.
https://www.team.tehsilchess.az/komandalar/ bölməsində komandaların heyyəti yerləşdiriləcək. Kapitanlardan komanda üzvlərinin və kapitanın şəkillərinin təşkilat komitəsinə göndərilməsi tələb olunur. Şəkil ağ fonda çəkilməli, üz yaxından və aydın görünməlidir. Şəklin ölçüsün təqribi 300×350 piksel olması arzuolunandır.
Sifariş formasını YÜKLƏ
Şahmatçılar üçün
Elan olunduğu kimi yarış Tornelo portalında keçiriləcək. Yarışda iştirak edən şahmatçıların müstəqil olaraq Tornelo-da qeydiyyatdan keçməsinə ehtiyac yoxdur. Təşkilat komitəsi bunu şahmatçılar üçün toplu formada həyata keçirəcək. Komandanın sifarişi təşkilat komitəsinə təqdim olunduqdan sonra 24 saat ərzində komanda üzvlərinin email ünvanlarına tornelo.com saytından aşağıdakı formada məktub göndəriləcək:
Göy fonda yazılan “Create your Tornelo account now” yazısı üzərinə kliklənir. Bu zaman avtomatik olaraq Tornelo səhifəsi açılır:
Ad və soyadınıza dəyişiklik etməyə ehtiyac yoxdur. Təşkilat komitəsi tərəfindən sizin məlumatlarınız doldurulub.
“Password” bölməsində özünüzə yeni şifrə təyin edin, “Password confirmation” bölməsində həmin şifrənizi təkrar yazın.
“I accept to the Terms & Conditions” bölməsinin qarşısındakı seçimi “⩗” qəbul edin.
“Confirm” əmrini seçməklə öz qeydiyyatınızı başa çatdırmış olursunuz.
Bundan sonra Tornelo.com saytına giriş zamanı email ünvanı və şifrənizi yazmaqla daxil ola bilərsiniz.
Torneloda yaradılmış “Tehsilchess” səhifəsinə daxil olaraq siyahıda yarışın adını tapıb daxil olun: https://tornelo.com/chess/orgs/tehsilchess
Yarış səhifəsinə daxil olarkən iştirakçıların siyahısında adınızı görəcəksiniz.
Yarışın başlamasına ən geci 1 saat qalmış yarışın “Lobby” bölümü baş hakim tərəfindən aktiv olunacaq. “Lobby” bölümündə üst hissədə “Ready?” (AZ: Hazırsınızmı?) sualını görəcəksiniz.
Yarışda oynamağa hazır olduğunuzu təsdiq edirsiz. “⩗”
Bu zaman aşağıdakı dəyişikliyi görəcəksiniz: Gülən smaylik və adınızın qarşısında yaşıl rəngli təsdiq. Artıq yarışın başlamasını gözləmək lazımdır…
Turun püşkatması ilk öncə turnirin rəsmi səhifəsinə yüklənəcək (https://www.team.tehsilchess.az/ səhifəsinin “Püşkatma” menyusunda müvafiq turu seçin). Turun başlama saatında püşkatma Torneloya əlavə olunacaq. Bu zaman siqnal səsi eşidəcəksiniz (bu səs turun başladığını bildirir) və ekranda aşağıdakı pəncərə açılacaq.
Göy fonda yazılan “Play now” əmrini seçmək lazımdır. Bu zaman ekranda şahmat lövhəsi açılır və “Start clock” əmrini seçməklə saatı və oyunu başladırsınız.
Oyun başa çatdıqdan sonra “Go to lobby” seçməklə yarışın “Lobbi”siə qayıdıb növbəti turun başlamasını gözləmək lazımdır.
DİQQƏT, DİQQƏT!
Şahmatçılardan xahiş olunur: turu başa çatdırdıqdan sonra “Lobby” bölməsini daimi açıq saxlasınlar. Əks halda növbəti turun başlamasından məlumatsız qala bilərlər. “Lobby” bölməsində növbəti turun başlaması siqnal səsi ilə elan olunur.
Turlar əsasnamədə və “Təqvim” menyusunda göstərilən qrafik üzrə keçiriləcək.